No.3213/2020-2020 

Lawngtlai, Vawkhniahzawn thla ni 18, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 93 a ni a. COVID-19 positive mi 13 te chu Lawngtlai Covid Care Centre (CCC)-ah dah niin, an hriselna dinhmun vil reng a ni a, ngaihtuahawm an awm lo.

Vawiin khan state pawn atanga lo haw mi 2 lo thlen belhin, Tourist Lodge-ah dah an ni a. Khung hran hun bi hmang zo tawh leh RT-PCR test-a negative, Medical Quarters atangin mi 5 leh PWD Inspection Bungalow-a la awm zawng zawng mi 3, an zavaiin mi 8 chhuahtir an ni thung.

Zoram Medical College (ZMC)-a RT-PCR test turin tukin khan swab sample 20 thawn belh a ni a. Heti hian sample thawn tawh zawng zawng hi 1027 niin, result nghah lai 20 a awm a, tun dinhmunah Lawngtlai District-ah positive case 13 a awm mek a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 12

2. Circuit House, Lawngtlai - 10

3. Medical Quarters, Lawngtlai - 25

4. Govt Lawngtlai College - 19

5. Covid Care Centre - 13 (Positive case vek)

A Total - 79

B. Home Quarantine - 14

Grand Total (A+B) - 93