No.3449/2020-2020 

Lawngtlai, Vawkhniahzawn thla ni 25, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 98 a ni a. COVID-19 positive mi 13 te chu Lawngtlai Covid Care Centre (CCC)-ah dah niin, an hriselna dinhmun vil reng a ni a, ngaihtuahawm an awm lo.

Vawiin khan state pawn atanga lo haw mi 2 lo thlen belhin, PWD Inspection Bungalow-ah dah an ni a. Khung hran hun bi hmang zo va, RT-PCR test-a negative Tourist Lodge atangin mi 4 leh Govt Lawngtlai College-a la awm zawng mi 4, an zavaiin mi 8 chhuahtir an ni thung.

Tukin khan Zoram Medical College (ZMC)-a RT-PCR test turin swab sample 27 thawn belh niin, result nghah mek a ni a. Heti hian Lawngtlai District atanga swab sample thawn tawh zawng zawng chu 1077 niin, positive case 13 a awm mek a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 12

2. Circuit House, Lawngtlai - 21

3. PWD Inspection Bungalow - 6

4. Medical Quarters - 32

5. Covid Care Centre - 15 (Positive case 13)

A Total - 86

B. Home Quarantine - 12

Grand Total (A+B) - 98