No.1377/2020-2021

Lawngtlai, Tomir thla ni 25, 2020: Lawngtlai District mi leh sa state pawn atanga lo hawte chu an lo thlen belh zel a, vawiin tlai dar 6:00 thleng khan khung hran (quarantine) mek mi 175 an awm.

Haw runpui thawh khatnaa hmarchhak state pali atanga lo haw mi 183 te quarantine facility atanga an chhuah fel hnuah, Tamil Nadu, West Bengal, Meghalaya, Telangana leh state dang atanga lo haw mi 175 te chu khung hran leh mek an ni a. He'ng zinga mi 152 chu quarantine facility-ah khung hran niin, Medical Quarters facility-ah mi 87, Don Bosco School-ah mi 37, DIET-ah mi 22 leh Tourist Lodge-ah mi 6 dah an ni a. A bak mi 23 chu mahni in lamah inkhung hrantir (home quarantine) an ni.

State pawn atanga lo hawte lo dawngsawng turin Lawngtlai District chu a inbuatsaih chho zel a. Quarantine facility tur pawh ruahman belh zel niin, Lawngtlaia kohhran eng emaw zat chuan quarantine centre atan an kohhran hall hman an remti tawh a. Quarantine facility-a hman atan mutbu leh mamawh dangte pawh mi thahnem ngaite'n an thawh khawm mek bawk.

Attachment

  • Loading attachment...