666/2024-2025

2024 Nikir thla ni 4: April ni 19, 2024-a Lok Sabha Inthlanpui, 2024 buatsaiha Lawngtlai District chhunga assembly segment pathuma vote tlate chu vawiin khan Government Lawngtlai College-a counting hall pathumah zing dar 8:00 aṭangin chhiar a ni a. Tluang takin chhiar zawh a ni.

Tukin zing dar 5:00 khan NIC Conference Hall-ah counting official (counting supervisor, counting assistant leh micro observer)-te 3rd & final randomisation buatsaih niin, vote chhiar turte an inkawp dan tur thliar fel a ni a. Vote chhiar ṭan hmain Lawngtlai District Election Officer Pu Cheemala Siva Gopal Reddy leh Counting Observer Pu Manjunath CN te hovin, political party ai awhte hriatpuinain EVM/VVPAT leh inthlan lehkha pawimawh dahna strong room hawn a ni a. Zing dar 8:00-ah EVM-a vote tlate hi chhiar ṭan a ni.

Vote chhiar hi 37-Lawngtlai West counting hall-ah Assistant Returning Officer Pu Cheemala Siva Gopal Reddy, DEO/DC; 38-Lawngtlai East counting hall-ah Additional ARO Pi B. Malsawmtluangi, Dy DEO/ADC leh 36-Tuichawng counting hall-ah Additional ARO Pu Lalneihthanga Colney, SDO(C) Chawngte te'n ṭhut chilhin, Election Commission of India (ECI)-in vote chhiar dan endik leh vil tura a ruat Counting Observer Pu Manjunath CN chuan a vil bawk a. Tuichawng biala polling station 70 awma vote tlate leh Lawngtlai West biala polling station 69 awma vote tlate chu dawhkan 14-ah round 5 ve veah chhiar a ni a;  polling station 42 awmna Lawngtlai East bialah chuan dawhkan 11-ah round 4-a chhiar a ni thung a. Dawhkan tinah hian vote chhiartu Counting Supervisor 1 leh Counting Assistant 1 bakah, vote chhiar viltu Micro Observer 1 ṭheuh an duty a ni.

Lawngtlai District chhunga Lok Sabha Inthlanpui 2024-a candidate-te vote hmuh dan chu heti ang hi a ni:

1. Pu Lalbiakzama, INC - 7,907

2. Pu Richard Vanlalhmangaiha, ZPM - 16,703

3. Pu Vanlalhmuaka, BJP - 15,848

4. Pu K. Vanlalvena, MNF - 16,682

5. Pi Rita Malsawmi, PC - 502

6. Pu Lalhriatrenga Chhangte, Independent - 510

7. NOTA - 433

Total Vote Count - 58,585

(Lawngtlai District pum pui, assembly segment tin leh polling station tina candidate-te vote hmuh dan kimchang chu pdf-in upload a ni.)

Lawngtlai District Lok Sabha 2024 Results AS wise.pdf

36-Tuichawng Lok Sabha PS wise results.pdf

37-Lawngtlai West Lok Sabha PS wise results.pdf

38-Lawngtlai East Lok Sabha PS wise results.pdf