2028/2026-2027

Lawngtlai,1st September 2026 : Vawiin khan Lawngtlai bawrhsap leh Chairman, District Disaster Management Commitee (DDMC) nibawk Pu Donny Lalruatsanga kaihhruaiin DDMA Lawngtlai ten Kaladan Multi Modal Transit Transport Project (KMMTTP) NH-502 A  kawngpui tlahniam vanga tuihawk tling (Chandmary Thlanmual thlen hma) chu a hmunah kalin an enfiah.

Pu Donny Lalruatsanga chuan tunlai ruahsur nasa avanga  leiminin hmin hrang hranga  harsatna nasa tak a thlen thin chu mimal tak pawha veiawm a tih thu sawiin, chak zawka hmalak mek zel a ni, a ti a. Leimin vanga mipuiten harsatna an tawh thinah DDMC- ten chak taka hma an lak zel thu sawiin, hnathawh chhunzawm reng a nih tur thu a sawi a. National Highway- chu kangpui lun leh lirthei tlan tamna a nih angin a enkawltute pawh leimin a awm thulha chak taka thenfai hna thawk tura thupek vek an nih tawh thu a sawi a ni. A bik takin KMMTTP kawngpui chu nakum maia hawn tur a nih angin, Minstry of Road Transport and Highways (MoRTH) kaltlanga 'Repair & Maintenance' hnathawk tur Brahmaputra Infrastructire Ltd. te pawh lo thleng tawhin, an inbun fel tep tawh tiin; Company lam te an in bunfel hnu chuan harsatna tawhten ziaawm lam a pan a beisei awm tiin,tunah pawh theih ang angin an thawk mek reng a ni, a ti.

Bawrhsap chuan KMMTP (NH- 502 A) chu Myanmar - nena insumdawntawnna Kawngpui pawimawh tak leh a paltlang khuaten an chhawr tangkai em em a nih angin, leimin a thlenin theihtawp chhuah thenfai thin a ni, a ti a. Hemi kawngah hian KMMTTP Kawngpui enkawl mektu PWD (Multi Modal Project Division) te bakah CYLA - theihtawp an chhuah thin chu fakawm a tih thu a sawi. Fur ruahtui tlak nasat avangin hmun hrang hrangah leimin a thleng thei reng tih sawiin, Pu Donny Lalruatsanga chuan DDMA Member- te leh Kawngpui enkawltu Company - te chu inralring reng tura chahin, CYLA leh khawtlang hruaitute  thawhpuina ngen nghal bawk.

KMMTTP Kawngpui enkawl hna thawktu PWD (Multi Modal Project Division) leh 'Repair & Maintenance' hnathawktu tur Brahmputra Infrastructure Ltd. hotute pawh an tel thei a. Kawngpui tlahniam vanga tuihawk  tlingte hi khawl hmanga  thenfai nghal a ni a, SDRF kaltlangin DDMA Lawngtlai ten side drain - leh kawngpui hnawhkhah hna  hi an thawk dawn bawk a ni.