2491/2023-2024

Lawngtlai dated 25th October 2023: Vawiin chawhnu khan DC Conference Hall, Lawngtlaiah Pu Joseph H.Lalramsanga, District Election Officer kaihhruaina hnuai ah MLA inthlanna neih tur a Political party hrang hrang ten Campaign kalpui chhung a boruak muanawm leh inthlanna felfai a awm theih nana Election Commission of India in inkaihhruaina a duan te inhrilhfiahna hun hman a ni a.

Vawiin a Political Campaign kalpui dan tur a hriattur hrang hrang inzirtirna hun ah hian Pu Shyam Bihari Meena, IAS, General Observer, 38-Lawngtlai East, Pu Srinibas Behera, IAS, General Observer, 36-Tuichawng leh 37-Lawngtlai West bak ah Pu Ranjeet Pawar, IRAS, Expenditure Observer-te an tel a. Returning Officer leh Nodal Officer-te awm bawkin Political party hrang hrang Candidate Agent-te an tel bawk a ni.

Thutkhawmnaah hian Political party Campaign kalpui chhung a senso ziahluh dan leh endikna kalpui a nih dan tur te, kawng zawh leh mipui pung khawm zawng a Program siam kawng a hriattur te leh dilna hrang hrang thehluh ngaite inhrilhfiah nawn leh niin inthlanna felfai leh langtlang a awm theih nana thawhho dan turte sawi a ni. General Observer-te chuan inthlanna kalpui tur a inbuatsaih chhung a dan bawhchhiatna awm te chu cVIGIL Mobile Apps hmangin thuneitute hnen a thlen nachang hriat a pawimawh thu te, pianphung a rualban lo, Sawrkar hriatpuina hnuai a Polling Booth pan thei lo ten Vote an thlak ve theihna tur a ruahmanna awmte tarlangin Vote thlak ni ah dik tak a hunbi vawn a nih theih nan thawh hona tha neih a pawimawh thu sawi a ni bawk. Ni 26 atang a 28, October 2023 chhun dar 12 leh tlai dar 5 inkar ah Govt. Region Higher Secondary School, New Vengpuiah Polling Official-te tan Postal Ballot hmangin vote a thlak theih tur thu leh Ni 31, October atanga ni 6, November thleng Facilitation Centre, DC Office-ah Election Official-te tan Postal ballot hmangin vote a thlak theih tur thu tarlan a ni bawk.