2941/2023-2024

Lawngtlai dated 4th December 2023: Tukin dar 5 ah NIC Conference Hall, Lawngtlaiah Counting Official-te thutna tur tih chianna, Final Randomization kalpui a nih hnuin chawhma dar 8 atang khan Govt. Lawngtlai College-a Counting Hall pathum ah MLA inthlanna a vote tla chhiar tan a ni a. 36- Tuichawng, 37- Lawngtlai West leh 38- Lawngtlai East Assembly Constituency-a Polling Station 181 a vote tla te chu tluang tak a chhiar a ni.

36- Tuichawng Assembly Constituency ah hian MNF candidate Pu Rasik Mohan Chakma chuan Vote 13346 hmuin thlan tlin a ni a, a mah hnaih bertu hi BJP candidate Pu Durjya Dhan Chakma niin Vote 12695 a hmu a ni. 37- Lawngtlai West Assembly constituency ah hian Indian National Congress candidate Pu C.Ngunlianchunga chuan vote 11296 hmuin thlan tlin a ni a, a mah hnaih bertu hi Pu V.Zirsanga, MNF candidate niin vote 10864 a hmu a ni. 38- Lawngtlai East Assembly constituency-ah hian vote 10072 hmutu ZPM candidate Dr. Lorrain Lalpekliana Chinzah chu thlan tlin niin a mah hnaih bertu Pu H.Biakzaua hian vote 7971 a hmu bawk a ni.