2361/2025-2026

Lawngtlai, 24th November 2025: Lai Autonomous District Council (LADC) hnuaia 12th  Member of District Council (MDC) inthlanpui 2025 - lo awm tur atan a inbuatsaihna kal zelah vawiin khan Pu Donny Lalruatsanga District Election Officer (DEO) kaihruaiin  a Office Chamber-ah Power & Electricity Department, Lawngtlai Division hotuten  thutkhawm an nei.

Pu Donny Lalruatsanga chuan inthlanna fel fai leh tluang tak awm turin kawlpetha tha a pawimawh hle tih a tarlang a. EVM hman a nih dawn bakah Internet leh Phone - te hman a tul dawn bawk avangin, vote thlak ni bikah kawlpetha changtlung taka awm a tul hle a ni, a ti. P& E Department, Lawngtlai Division- te chu an pawimawhna hriaa, kawlpetha mumal taka a awm theih nan a tan la turin a ngen nghal bawk a ni.

Thutkhawmah hian thil pawimawh tak tak sawiho a ni a. Election Office lamin zaninah Polling Station - tina kawlpetha din hmun lo enfiah se, a rang lamin P& E Department- lamah thehluh ni se an ti a. Polling Station - a Connection/Temporary Conection - tih ngaihna  hmunte lo enfiah chu BLO kutah dah niin,  Polling station pakhat ah -Bulb-3, Plug point-1,connection wire, flexible wire, MCB- te awm kim turin hma lo la se  an ti a ni.  SE, Lunglei Power Circle hnenah Vote thlak ni tur  ni 27, November 2025, ni 28, November, 2025 leh ni 3, December, 2025 ah te 'power shut down'  awm lo tura ngen siam ni se an ti bawk a ni.

Vawiin thtkhawmah hian Returning Officer, Election Officer, Nodal Officer leh EE, P& E Lawngtlai, SDO Lawngtlai, SDO Bungtlang 'S' leh JE Siaha - te an tel thei a. Pu Donny Lalruatsanga chuan lawmthu sawina neiin hun a khar.