668/2026-2027

Lawngtlai, 22nd May 2026 : Vawiin khan DC Office Chamber-ah  'Special Intensive Revision (SIR) of Electoral Roll 2026' kalpui tur sawihona neih a ni a.  District Election Officer (DEO) leh Bawrhsap nibawk Pu Donny Lalruatsanga chuan a kairhuai. 

Pu Donny Lalruatsanga chuan kalkhawmte chungah lawmthu a sawi a. Election Commission of India ruahmanna angin 'Special Intensive Revision 2026' chu  May ni 20 atanga September Ni 6, 2026 chhungin Mizoramah kalpui tur a ni, a ti a. SIR 2026 - tha felfai taka  kalpui leh huntiam chhunga zawh chu tihmakmawh a ni tiin, a hun taka zo fel tura hmalak a nih tur thu a sawi a. India khua leh tui dik takte chauhin Vote an nei thei a, E/Roll a  Foreigners - thun palh emaw,  hmaih palh neih emaw pawh a thei a ni a, hemi kawngah hian fimkhur a tul hle a ti. DEO chuan Lawngtlai District - a SIR 2026 felfai taka kalpui turin Election Official - te theihtawp chhuah tur leh , Political Party, Kohhran leh khawtlang hruaitute chu thahnem ngai taka Election Official- te lo thawhpui turin a sawm a ni. 

Thutkhawmah hian thil pawimawh tak tak sawiho a ni a. SIR 2026 chungchanga hriattur pawimawh leh mipuite tana puanzar ngai zawng zawng chu DIPRO kutah dah niin, IPRO (LADC), IPRO (LADC) leh MJA Lawngtlaite nen thawkho tura tih an ni a. Publicity Plan - sawiho niin, Banner, Flyers, Promotional Video, leh tul dangte siama, mipuite hnenah thehdarh ni se an ti a ni. Election Officer chuan 'Enumeration form' print mek niin, zaninah zawhfel a beisei awm thu a tarlang a. Kar leh Tuesday ah BLO leh Additional BLO- te training neihpui an ni dawn a, hemi hunah hian 

'Enumeration form' hi BLO theuhte pekchhuah an ni dawn a ni. SIR 2026 - fel fai, tha leh thianghlim tak nei turin  ERO leh AERO - te fimkhur zual ni se, SIR chungchangah a tam thei ang ber 'Online Meeting' pawh neih thin ni se an ti a ni.

Vawiin thutkhawmah hian ERO, AERO, Election Officer, IPRO (LADC),  leh President, MJA Lawngtlai District - te an tel thei a, Pu Donny Lalruatsanga chuan lawmthu sawiin hun a khar.