938/2026-2027

Lawngtlai, 10th June 2026 : SIR 2026 kalpui mek zelah vawiin chawhnu dar 3:00 khan Lawngtlai District Election Officer, Pu Donny Lalruatsanga chuan DC's Office Chamber-ah Lawngtlai khawpui pawna BLO- 3(Pathum) te Meeting an neihpui.

Pu Donny Lalruatsanga chuan SIR 2026 kalpui mekah BLO - te inpekna leh hnathawh fakawm a tih thu sawiin, chutih rualin Enumeration Forms lakkhawm leh Digitization - lamah hmasawnna tur a awm tih a tarlang a. Hemi kawngah hian chak zawka hnathawk turin- Saizawh East, Kakichhuah leh Runkual BLO pathumte a chah a ni. Electors Mapping - bikah tun aia tan lak nasat a tul tih sawiin, BLO- te thahnemngai taka thawk turin a chah a ni. DEO chuan Election Commission of India (ECI) in SIR 2026 - a ngaipawimawh hle tih hriaa, ECI beisei ang taka hnathawh chhunzawm zel a tul hle tih sawiin, BLO - te an mawhphurhna tha taka hlen turin a chah a ni.

Vawiin Review Meeting- ah hian Election Officer, Lawngtlai, BDO, RD Block Lawngtlai leh AERO ni bawk leh  khaw pawn BLO- pathum te an tel thei a, Pu Donny Lalruatsanga chuan Lawmthu sawiin hun a khar.