Vawiin khan Lawngtlai DC Conference Hall ah District Level Committee on Fire Prevention neih a ni a, Fire Prevention Week 2015 hman dan tur leh kum in chhunga ram kang awm thei laka inven dan tur sawiho a ni.
Lawngtlai Bawrhsap Pu. J. Hmingthanmawia, District Level Committee On Fire Prevention, Lawngtlai District Chairman ni bawk hova Meeting hian kan hma lawk January 19-24 in kar a Fire Prevention Week 2015 lo thleng tur chu YLA Hall ah a hawnna inkhawm lian tham tak ah neih ni se a ti a, he mi ni hian Lawngtlai khawpui chhunga School zirlai engmaw zat, Head of Office zawng zawng, tlawmngai pawl hrang hrang leh chanchinbu mite sawm ni se an ti. Lawngtlai District chhung hmun pawimawh then khat heng; Sangau, Bungtlang South leh Chawngteah te pawh Week hawnna inkhawm hi mumal taka hman ni se an ti bawk.
Fire Prevention Week chhung mai ni lo, kumtluana ram kang laka kan him theih nana hma lakna tur hrang hrang te chipchiar tak a sawi ho nghal a ni a, khaw tinin chawlhkar tin vawi hnih aia tlem lo mipuite hnena tlangauva puan thin ni se tih te, Sawrkar hun tiam chhunga Lo hal ngei tura hmalak te, Meikawng sial ngei lo chu Lo hal phal sak loh te, kangmei laka inveng tha khua chawimawina hlan te, Media leh Social Networking hmang tangkaia mipuite in zirtir uar te chu hmalak dan tura chhawpchhuah langsar zual te an ni a. School leh Kohhran tin te hnenah fimkhur tur a ngenna lehkha sem vek ni se an ti bawk.
He Meeting ah hian Member te an kal tha hle ni.
