45/2026-2027

Lawngtlai, 6th April 2026: Vawiin khan Lawngtlai District Level Committee on Fire Prevention chuan an Chairman leh Bawrhsap nibawk Pu Donny Lalruatsanga kaihhruaiin DC Conference Hall - ah thutkhawm an nei a. District Level Committee on Fire Prevention- hmalakna kawng hrang hrangte THLIRHONA an nei.

Pu Donny Lalruatsanga chuan kalkhawmte hnena lawmthu sawina a nei hmasa a. District Level Committee on Fire Prevention- hmalakna fakawm a tih thu sawiin, tha thlah lova hmala chhunzawm zel turin a chah a. Kangmei tichhuak lo tura inzirtirna chak taka kalpui thei a ni chu lawmawm a tih thu tarlangin, VC, NGOs leh Kohhran ten an thawhpuinaah lawmthu a sawi a. Sawrkar department hrang hrangte pawhin tha taka an thawhpui thu sawiin, mipuite pawhin sawrkar thuchhuah an zawm tha hle nia ahriat thu sawiin, Chanchinbu miten theihtawp an chhuahpui kawngah lawmrhu a sawi bawk a ni.

Bawrhsap chuan vawiin thlenga kangmei chhuak report a awmlo chu lawmawm a tih thu tarlangin, sawrkar, VC, NGOs, Kohhran leh mipuite thawhhona tha tak a awm vang a ni tiin, tha taka thawhho zel a beisei thu a sawi a ni. Kum dangah Lawngtlai District- ah kangmei chhuak nasa thin mahse, kumin bikah thawhhona tha tak zarah dinhmun tha tak Lawngtlai District - a awm thu sawiin, Mizoram huapa lawmman lâk ngei a beisei awm thu a sawi a. Kangmei chhuak laka fimkhur zel turin Forest Department bakah department hrang hrangte theihtawp chhuah zel tura chahin Pu Donny Lalruatsanga chuan VC, NGOs, Kohhran leh Lawngtlai mipuite kangmei laka fimkhur chhunzawm zel turin a sawm nghal bawk.

Pu K. Lalromawia, DCCF,LADC leh Member Secretary nibawk chuan report tawi pekna a nei a. Lawngtlai District bikah tun dinhmunah ram kang 'report' a awm loh thu a tarlang a. Sawrkar thuchhuahte chak taka kalpui a nih thu sawiin, Flyers leh Short Video - te siam a nih thu sawiin chanchinbu mite kangmei laka inven chungchang ziak thate hnenah lawmman pek an nih tur thu a sawi a ni. Kangmei tichhuaklo tura inzirtirna kalpui mek zel a nih thu tarlangin, Hoarding leh Sticker- te pawh siam leh pholan mek a ni, a ti. Kangmei laka fimkhur tura puangzar kawngah VC leh Kohhranah te ngenna siam a nih thu sawiin, Primary leh Middle School - ah te Awareness - kalpui a nih thu sawiin Awareness bikah khua - 34 ah neih a nih thu a tarlang.

CADC aiawh atangin report ngaihthlak a ni bawk a. Awareness tha taka kalpui niin, VC leh NGO- te nen thawhhona tha tak a awm thu ngaihthlak niin, a tul anga a hmunah kala kangmei chhuak awm leh awm loh enfiah thin a nih thu tarlan a ni a. CADC - huamchhungah kangmei chhuak 'report' a awm loh thu ngaihthlak a ni.

Thutkhawmah hian Department - te hmalak tawhna thlirho niin hmalak chhunzawm zel dan tur sawiho nghal a ni a. District Level Committee on Fire Prevention - ten hmahruai leh se,VC, NGOs, Kohhran leh mipuite nen thawhhona tha tak neih chhunzawm zel ni se an ti a. Kangmei tichhuak lo tura hmalak tawhna tha ti tlangin, chhunzawm zel ni se, a bik takin ' Awareness ' lamah uar zawka hmalak leh ni se, fire hydrant - dah belh tura hmalak ni se a tul angin 'Prohibitory Order' pawh chhuah nawn leh ni se an ti a ni.

Vawiin thutkhawmah hian Lawngtlai District Level Committee on Fire Prevention Member-te an tel kim tha hle a, Pu PC Lalchunglura, Superintendent of Police,  chuan lawmthu sawina neiin hun a khar.