307/2026-2027

Lawngtlai, 28th April 2026: Vawiin khan Lawngtlai Bawrhsap Pu Donny Lalruatsanga kaihruaiin District Level Committee on Pradhan Mantri Ujjwala Yojana (PMUY) chuan DC Conference Hall-ah thutkhawm an nei.

Pu Donny Lalruatsanga chuan kalkhawmte hnena lawmthu sawina a nei hmasa a.PMUY hnuaiah BPL- chhungkuaa hmeichhiate tan a thlawna LPG connection pek thin a nih angin, Lawngtlai District chhunga kalpui danah duhthu a sam lo hle a ti a. PMUY emaw scheme tha zawk pawh kalpui leh a nih chuan tha zawk leh changtlung zawka kalpui a pawimawh dawn hle tih tarlangin, Gas Agency - te lo inpuahchah tha turin a chah a. Bawrhsap chuan khawvel changkang zelah LPG cylinders hman nasat tawh niin, heihian chhungkaw khawsak a tizângkhai hle tih tarlangin, la hmang ve theilote zawnchhuah leh Connection pek kawngah theihtawp chhuah chhunzawm zel turin Gas Agency - te a chah nghal bawk.

Pu Lianchhuma Chinzah, DCSO chuan report tawi pekna neiin, Lawngtlai District- ah Gas Agency pali awmin heng zingah hian Nuteii Gas Agency, Chawngte chuan Free Gas Connection - 2554 pe tawhin Lawngtlai District - a titha ber an ni mek a ni, a ti.

Thutkhawmah hian Lawngtlai District- a Gas Agency -ten PMUY hnuaia Free Connection an pek dan tlangpui tarlanna an nei a. Vawiin thlenga an pek dan chu Khuma Gas Agency, Lawngtlai - 654, Chhangte Indane, Bungtlang 'S' - 400, Nutei Gas Agency, Chawngte - 2554, Blue Mountain Gas Agency, Sangau- 558. Tun dinhmunah hmasawnna tur tam tak a tam hle tih pawm tlangin chak zawka hmalak ni se an ti a. Gas Agency - te chu mipuite tana rawngbawl an nihna hriaa, mirethei leh chanhai zawkte tana theihtawp chhuah zel turin Committe - chuan an chah nghal a ni.

Vawiin thutkhawmah hian DCSO, Inspector, Legal Metrology, Gas Agency - te, CYLA,LWA,  MHIP aiawh leh MJA Lawngtlai - te an tel thei a, Pu Donny Lalruatsanga chuan lawmthu sawiin hun a khar.