2823/2026-2027
Lawngtlai, the 26th October, 2026 : Vawiin chawhnu dar 1:00 PM khan Deputy Commissioner, Lawngtlai Office Chamber- ah Bawrhsap Pu Donny Lalruatsanga kaihhruaiin 'District Level Committee on Khet Bachao Simitis' thutkhawm neih a ni.
Pu Donny Lalruatsanga chuan kalkhawmte lawmna thu a sawi a.Khet Bachao Samiti chu 22nd October - 30th November, 2026 chhunga kalpui tur a ni a, a tum ber chu Lei hriselna humhim, Fertilizer balance taka hman, Organic / Natural Farming tih lar, Tui renchem leh crop diversification, Thlai chi / damdawi lem (fake) do, Lei tha humhim chunga, loneitu ten hlawk zawk a thlai an thar theih nan a hmalakna anih thu sawi a. Lawngtlai District- ah tha taka kalpui a nih theih nan a changtu department- te theih tawp chhuah turin a chah nghal a ni.
Thutkhawm chuan KVK leh ATMA te 'Action Plan' siam tawh chu tha ti tlangin, report pawh - concern department- ah thehluh ni se tiin, District Level - ah department hrang hrang thawkho turin Camp- buatsaih ni se an ti a. KVK in hmalakna an kalpui mekah a tam thei ang bera department dang nena thawhhona a kalpui thin ni se an ti bawk. Co-operative Department, LADC- ten Land Base Trade list - an neihte November chawlhkar khatna ral hmain Chairman, District Level Committee on Khet Bachao Samitis, Lawngtlai District- ah thehlut se an ti bawk a ni.
Thutkhawm ah hian ADAO, DHO, DSCO, Sr.Scientist, KVK leh Co-operative Department, LADC aiawhte an tel thei a, Bawrhsap chuan lawmthu sawiin thutkhawm a khar.
