Vawiin khan Lawngtlai DC Conference Hall ah Lawngtlai District Level NLUP Meeting neih a ni a, NLUP hmalakna hrang hrang te leh hmachhawp la awm te sawi ho a ni.

Lawngtlai District Bawrhsap Pu J. Hmingthanmawia kaihhruaia meeting ah hian NLUP II Phase dawngtute hmalak dan enfiah leh report siam dan tur chungchang sawiho a ni a, NLUP dawngtu hna thawk tha lo te zawnchhuah leh hna thawk tha chawimawi tlak te zawngchhuah hna chak zawk a kalpui dan tur sawiho a ni. Line Department ten an hnuaia NLUP tanpuina dawngtu ten hna thawh dan tur ruahmanna awmsa (work calendar) angin hna an thawk ngei em ? Tih enfiah a ni anga hna thawk tha leh tha lote dik taka thliar felin NLUP dawng chhunzawm zel tlak leh tlak lo te thliarfel dan ruahmanna siam a ni. Hetih lai hian hna thawktu tha, chawimawi tlak te pawh chipchiar taka zawnchhuah tum a ni bawk.

Line Department 8 ten District Level Meeting in monitoring neih dan tur an lo rel tawh an bawh zui dan report ngaihthlak nghala a ni a, report thenkhat duhthu sam lo lai te pawh a tih dan tha zawk ruahmanna siamin tha thara beih chhunzawm leh rel a ni. Hei bakah hian a thlalak nen ngei a an thil enfiah na report pe theuh tawh turin Bawrhsap hian Line Department te a hrilh nghal bawk.

He meeting ah hian Lawngtlai District chhunga NLUP Line Department te an tel kim a ni.