1255/2026-2027

Lawngtlai, 1st July 2026: Vawiin khan 'Lawngtlai District Level Solid Waste Management Rules 2026 Committee' chuan an Chairman leh bawrhsap nibawk Pu Donny Lalruatsanga kaihhruaiin DC Office Chamber-ah thutkhawm an nei. 

Pu Donny Lalruatsanga chuan Member - te chibai bukna neiin 'Solid Waste Management Rules 2026' chungchangah chak taka hmalak mek zel a nih thu a sawi a. Supreme Court thuchhuak angin bawlhlawhte chu - Dry, Wet, Sanitary, leh special care - ah thliarhran a tul dawn tiin, hemi kawngah hian saarkar, VC,NGOs leh mipuite tanrual a tul dawn hle a ti a. Lawngtlai District- in faina leh thianghlimnaa hmasawnna rahbi thar kai turin District mipuite thawhpuiah a sawm nghal bawk. 

Thutkhawmah hian District leh Village Level - a bawlhhlawh chi li a thliar a nih theih nan a hmalak dan tur sawiho a ni a. Bawlhhlawh thliarhran hi October thla thlengin khawpui chhunga  vengah 30 % leh khawpui pawn lama khuaah te 15% tal tihhlawhtlin ni se an ti a. A bul tan nan bawlhlawh chi hnih - Wet leh Dry - ah te thliar phawt ni se, August thla chawhma lamah chi li a thliar ni se an ti a ni. Bawlhlawh thliar hran hi Lawngtlai RD Block pali a khaw thlanchhuah bikah te kalpui ni se, hemi atan hian tam thei ang bera ' Training Programme' buatsaih ni se an ti bawk a ni. 

Thutkhawmah hian 'Lawngtlai District Level Solid Waste Management Rules 2026 Committee' Member-te an tel kim tha hle a, Pu Donny Lalruatsanga chuan lawmthu sawiin hun a khar.