2045/2026-2027

Lawngtlai the, 2nd September, 2026 : Vawiin chawhnu dar 1:30 PM  khan 'Lawngtlai District Level Task Force on Immunization' chuan an Chairman leh Bawrhsap nibawk Pu Donny Lalruatsanga kaihhruaiin DC Conference Hall- ah thutkhawm an nei.

Pu Donny Lalruatsanga chuan member kalkhawmte hnenah lawmthu a sawi a. Naupang hriselna kawngah leh mipui nawlpui tana hriselna tha zawk thlen turin a hun takah mumal taka Vaccine - lâk a pawimawh hle a ti a. Lawngtlai District chu a zauin khua pawh a tam hle a, inkalpawhna kawng tha lo leh thawktu indaih lohna  awm bawk thin nen immunisation- ah sân a har hle a, chutih rualin theih ang anga hmalak a pawimawh hle ni, a ti. Lawngtlai District chhunga cheng mipuiten hriselna tha zawk an neih theihna tur leh natna hrik umbo kawngah theihtawp chhuah zel a nih tur thu a sawi a. Hriselna kawnga District Administration - in theihtawp a chhuah zel tur thu sawiin, khawtlang hruaitute leh  mipuite thawhpuiah a sawm nghal bawk.

Thutkhawmah hian Dr. Lalmuanawma Jongte, Sr. CMO, Lawngtlai chuan April 2025 - March 2026 chhunga Lawngtlai District - a Immunization kalpui dan tlangpui tarlanna a nei a. Report atanga a lan danin, Routine Immunization Coverage - ah hian Bualpui NG - 117.3% niin a sang bera, Longpuinghat - 45.9% chu a hniam ber an ni a; Lawngtlai District- a Fully Immunised zat chu 74.8% a ni. National Immunisation Day - 1st Round, 1st July 2026 report ngaihthlak niin kum 5 hnuai lam vaccine naupang - 10670 pek niin, hei hi za zela 88% a ni. Bualpui Ng - 113.9% niin a sang ber a, Borapansury- 61.9% chu a hniam ber a ni thung. HPV Vaccination - pawimawhna te ngaihthlak niin theihtawp chhuaha hmalak thar ni se an ti a. Sawrkar laipuiin 23rd September 2026- a National Immunization Day hman tura ruahmana a siam chu Lawngtlai District - ah pawh hman nise, hemi ni denchhena naupang Kum - 5 hnuailam Vaccine pek tur Target - 21,240, house to house activity target -33,455 (Day 2&3), Transit/Special Team - 9 leh Session Sites/booths-201 nise tih a ni a, hemi ti hlawhtling tur hian DLTFI, BLTFI, Health Department, CDPO, WCD leh Department dang te thawhho nise tih a ni.

Thutkhawn ah hian Lawngtlai District Level Task Force on Immunization - te an tel tha hle a, Bawrhsap chuan lawmthu sawiin thutkhawm a khar.