No.5672/2020-2021 


Lawngtlai, Khuangchawi thla ni 1, 2020: Mizoramah COVID-19 hri vei hmuh chhuah belh zel a nih laiin he hri leng laka Lawngtlai District mipuite an him zawk theih nan leh Mizoram sawrkarin October thla chhung atana inkaihhruaina a tihchhuah bawhzuiin Lawngtlai District Magistrate Dr Andrew H. Vanlaldika, MCS chuan vawiin khan CrPC (Criminal Procedure Code) 1973 section 144-na tlawh chhanin a hnuaia thupek hi a chhuah.

"Zan dar 8:00 atanga zing dar 4:30 inkarah Lawngtlai khawpui chhungah tu mah pawn chhuah phal a ni lo.

"District headquarters-ah chuan phalna nei lovin vantlang hmunah a rualin mi panga aia tam awm khawm phal a ni lo.

"Vantlang hmunah leh office dawr turte chuan mask an vuah ngei ngei tur a ni.

"He thupek hian a hnuaia tar lante hi a huam lo vang:

1. COVID-19 official duty,
2. Medical duty,
3. Magistrate leh Police leh Home Guard duty-te,
4. Chanchinbu mi leh electronic media-a thawktute,
5. Fire & emergency service duty,
6. PHE leh P&E Department hnuaia emergency duty-te,
7. Medical emergency leh thihna avanga chhuah ngai, an veng VLTF lehkha keng,
8. VLTF member duty-te,
9. District Magistrate leh Sub-Divisional Magistrate-in phalna an pekte."

He thupek hian thu leh a awm a nih loh chuan October thla chhung a huam ang a. A bawhchhia chu IPC (Indian Penal Code) section 188-na hmangin hrem theih an ni ang.

Attachments area



Attachment

  • Loading attachment...