DIRECTORATE OF INFORMATION & PUBLIC RELATIONS, Government of Mizoram, India

No.7127/2020-2021

COVID-19 hri leng mek laka Lawngtlai District mipuite him zawk nan Lawngtlai District Magistrate Dr Andrew H. Vanlaldika, MCS chuan vawiin khan CrPC (Criminal Procedure Code) 1973 section 144-na tlawh chhanin a hnuaia thupek hi a chhuah.

"1. Zan dar 8:30 atanga zing dar 4:30 inkarah Lawngtlai khawpui chhungah tu mah pawn chhuah loh tur a ni.

"2. Lawngtlai District chhungah vantlang hmunah a rualin mi 5 (panga) aia tam pun khawm khap tlat a ni.

"He thupek hian a hnuaia tar lante hi a huam lo vang:

1. COVID-19 official duty,

2. Medical duty,

3. Magistrate leh Police leh Home Guard duty-te,

4. Chanchinbu mi leh electronic media-a thawktute,

5. Fire & emergency service duty,

6. PHE leh P&E Department hnuaia emergency duty-te,

7. Medical emergency leh thihna avanga chhuah ngai, an veng VLTF lehkha keng,

8. VLTF member duty-te,

9. LADC Task Force on Disaster duty-te,

10. District Magistrate leh Sub-Divisional Magistrate-in phalna an pekte."

He thupek hian thu leh a awm a nih loh chuan puan a nih ni (13.01.2021) atanga thla hnih chhung a huam ang a. A bawhchhia chu IPC (Indian Penal Code) section 188-na hmangin hrem an ni ang.

Attachments area

Attachment