No.1891/2020-2021

Lawngtlai, Nikir thla ni 10, 2020: COVID-19 vanga inkharkhip kalpui dan tura state sawrkar thupek bawhzui nan leh coronavirus laka inven nan Lawngtlai District Magistrate Pi Shashanka Ala, IAS chuan vawiin khan CrPC (Criminal Procedure Code) 1973 section 144-na tlawh chhanin a hnuaia mi ang hian thupek a chhuah.

1. Inkharkhip (lockdown) hun chhung hian mi 5 (panga) aia tam pun khawm khap tlat a ni. Hei hian inneih inkhawm leh mitthi vui programme te a huam lo vang. Amaherawhchu, inneih inkhawm leh mitthi vui programme-ah mi 35 (sawmthum panga) aia tam pun khawm khap a ni.

2. Lawngtlai District huam chhungah tlai dar 7:30 leh zing dar 4:30 inkarah pawn chhuah khap tlat a ni a. Hei hian Magistrate, Police, Hospital & Medical Emergency Services te, COVID-19 chungchanga duty te leh District Magistrate-in phalna a pek bik te a huam lo vang.

3. Damdawi zawrhna dawr tih loh chu dawr zawng zawng tlai dar 5:00-ah khar vek tur a ni.

4. Khawlaia chhuak reng rengin mask an vuah vek tur a ni.

He thupek hian chhuah a nih ni (June ni 10, 2020) atanga sawrkarin inkharkhip a kalpui hun chhung zawng a huam ang a. A bawhchhia chu IPC (Indian Penal Code) section 188-na hmangin hrem theih an ni ang.