No.2369/2020-2020

Lawngtlai, Nikir thla ni 23, 2020: COVID-19 vanga inkharkhip kalpui dan tura state sawrkar thupek bawhzui nan leh coronavirus laka inven nan Lawngtlai District Magistrate Dr Andrew H. Vanlaldika, MCS chuan vawiin khan CrPC (Criminal Procedure Code) 1973 section 144-na tlawh chhanin a hnuaia mi ang hian thupek a chhuah.

1. Inkharkhip (lockdown) hun chhung hian mi 5 (panga) aia tam pun khawm khap tlat a ni. Hei hian inneih inkhawm leh mitthi vui programme te a huam lo vang. Amaherawhchu, inneih inkhawm leh mitthi vui programme-ah mi 35 (sawmthum panga) aia tam pun khawm khap a ni.

2. Lawngtlai District huam chhungah zan dar 7:30 leh zing dar 4:30 inkarah pawn chhuah khap tlat a ni a. Hei hian Magistrate, Police, Hospital & Medical Emergency Services te, COVID-19 chungchanga duty te leh District Magistrate-in phalna a pek bik te a huam lo vang.

3. Damdawi zawrhna dawr tih loh chu dawr zawng zawng tlai dar 5:00-ah khar vek tur a ni.

4. Khawlaia chhuak reng rengin mask an vuah vek tur a ni.

5. Mizoram sawrkarin lockdown a kalpui chhungin Lawngtlai town huam chhungah tu mahin mahni in leh compound an chhuahsan tur a ni lo. Amaherawhchu, hei hian he lockdown order dt. 21.06.2020-in pawn chhuah chungchanga a huam lohte leh tul bik thila Incident Commander emaw, Executive Magistrate emaw, VLTF emaw te'n chhuah phalna an pek te chu a huam lo vang.

He thupek hian chhuah a nih ni (June ni 23, 2020) atanga sawrkarin inkharkhip a kalpui hun chhung zawng a huam ang a. A bawhchhia chu IPC (Indian Penal Code) section 188-na hmangin hrem theih an ni ang.

Attachment

  • Loading attachment...