Lawngtlai, Sahmulphah thla ni 2, 2020: Mizoram sawrkarin COVID-19 hri leng mek laka mipui him zawk nan ni 26.10.2020 atanga ni 09.11.2020 chhung Mizoram pumah "COVID-19 No Tolerance Fortnight" hmang turin thupek a chhuah a. Hemi hun chhunga Lawngtlai District mipuite'n COVID-19 laka himna tura sawrkar dan siam leh thupek te tha taka an zawm theih nan Lawngtlai District Magistrate Dr Andrew H. Vanlaldika, MCS chuan vawiin khan CrPC (Criminal Procedure Code) 1973 section 144-na tlawh chhanin a hnuaia thupek hi a chhuah.

"1. Zan dar 8:00 atanga zing dar 4:30 inkarah Lawngtlai khawpui chhungah tu mah pawn chhuah phal a ni lo.

"2. Lawngtlai khaw chhung vantlang hmunah a rualin mi panga (5) aia tam awm khawm phal a ni lo.

"He thupek hian a hnuaia tar lante hi a huam lo vang:

1. COVID-19 official duty,
2. Medical duty,
3. Magistrate leh Police leh Home Guard duty-te,
4. Chanchinbu mi leh electronic media-a thawktute,
5. Fire & emergency service duty,
6. PHE leh P&E Department hnuaia emergency duty-te,
7. Medical emergency leh thihna avanga chhuah ngai, an veng VLTF lehkha keng,
8. VLTF member duty-te,
9. District Magistrate leh Sub-Divisional Magistrate-in phalna an pekte."

He thupek hian thu leh a awm a nih loh chuan ni 09.11.2020 thleng a huam ang a. A bawhchhia chu IPC (Indian Penal Code) section 188-na hmangin hrem an ni ang.

Attachment

  • Loading attachment...