No.2569/2020-2020

Lawngtlai, Nikir thla ni 29, 2020: Vawiin khan Mizo Upa Pawl (MUP), Lawngtlai District Headquarters chuan COVID-19 dona kawnga Lawngtlai District Level Task Force (DLTF) tha tihchak nan pawisa fai Rs. 10,000/- (sing khat) an hlan a. World Vision India (Chhimtuipui Area Development Programme) chuan District Disaster Management Authority (DDMA)-ah hand sanitiser, gloves, mask leh thil dang an hlan bawk.

Lawngtlai District Headquarters MUP hruaitute hian vawiin khan Lawngtlai Bawrhsap, DLTF Chairman ni bawk chu a pisaah kawmin, COVID-19 hri leng dona kawngah a tul anga DLTF thawhpui zel an tum thu an hrilh a. Tanpuina pawisa fai hi District Headquarters President Pu H. Liantluanga chuan DLTF Chairman Dr Andrew H. Vanlaldika kutah a hlan a ni.

World Vision India (Chhimtuipui Area Development Programme) hian COVID-19 Emergency Response (COVER) project hnuaia an hma lakna 2nd phase atan Lawngtlai DLTF/DDMA, District Hospital leh CYLA-ah te tanpuina an hlan a. DDMA-a an thil pek hi-

1. Hand sanitiser (200 ml) - 108 nos
2. Surgical gloves (latex) - 1000 nos
3. 3-Layer mask - 1000 nos
4. Garbage bag (XL) - 100 rolls
5. Garbage bag (S) - 150 rolls
6. Mineral water - 80 pcs

a ni a. DDMA Chairman Dr Andrew H. Vanlaldika chuan WVI Programme Coordinator Pu HL Rinawma kut atangin a dawng a ni.

WVI hian District Hospital-ah hand sanitiser (200 ml) 432 nos, KN95 mask 200 nos leh PPE kit 75 nos an hlan bakah, CYLA-ah bungraw chi hrang hrang an hlan tel bawk.

Lawngtlai DLTF chuan COVID-19 dona kawnga tanpuina petute chungah lawm thu a sawi a ni.