940/2026-2027 

Lawngtlai, the 10th June, 2026 : Vawiin chawhnu dar 1:00 PM khan Deputy Commissioner's Conference Hall, Lawngtlaiah Bawrhsap leh Chairman, District Task Force and Committee for Malaria Elimination- ni bawk Pu Donny Lalruatsanga kaihhruaiin thutkhawm neih a ni.

Pu Donny Lalruatsanga chuan Member kalkhawmte hnenah lawmthu a sawi a . Lawngtlai district- chu a zauin International Border- hnaih khua a tam bawk avangin harsatna neuh neuh a tam thin hle tih tarlangin hei vang hian Medical lama thawktute pawh an zual sauh a ngai a ni, a ti. Bawrhsap chuan thawktute hmalakna neihah ang angte fakawm a tiin an chungah lawmthu a sawi a. July thlaah Malaria a hluar nasa thin hle a, hemi a nih avang hian June thla atanga ruahmanna felfai tak siam thiam a tul hle a ti. India ram pumpuiah June thla chu 'Anti Malaria Month' ah puan thin a nih angin Lawngtlai District- ah pawh chak taka hmalak a tul hle tih a tarlang. Lawngtlai District- atanga Malaria hrik umbo turin sawrkarin theihtawp a chhuah dawn tih tarlangin, mipuite pawh sawrkar thuchhuak zawm bakah mahni theuh lo fimkhur leh invenghim turin a chah nghal bawk.

He hunah hian Dr. Remlalnghaki, Dy.CMO pawhin thutawi sawiin Malaria laka invenna tur atan IRS kah leh Delmethrine- a thosilen chiah leh sem ah te tan lak mek a nih thu a tarlang a. Malaria avanga thihna thlen chhanber pakhat chu thisen lak tir lo a, mahni a tuar mai thin an la tam bakah inenkawlna ngaihthat thin vang a nih thu sawiin, a hma lama thisen endik leh a tul anga inenkawl turin mipuite a sawm a ni. Pu C Khaipotha, District Consultant, Vector Borne Disease Control Programme- chuan Malaria chungchangah report- a pe bawk a ni.

Thutkhawmah hian Lawngtlai District Task Force and Committee for  Malaria Elimination, Member- te an kal tha hle a, Bawrhsap chuan lawmthu sawiin thutkhawm hi a khar a ni.