DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lawngtlai-district-village-council-association-in-office-thar-hawngp

LAWNGTLAI DISTRICT VILLAGE COUNCIL ASSOCIATION IN OFFICE THAR HAWNG

Vawiin khan Lawngtlai District Village Council Association chuan an Office thar Lawngtlai Bazar Vengah an hawng.

Lawngtlai District Village Council Association chuan vawiin hian Pu C. Haikunga Building, Lawngtlai Bazar Vengah Office thar hawnna hun an hmang a.He hunah hian Pu M. Misaela, BDO Lawngtlai chu khuallian niin Office thar hi a hawng a ni. Hawnna inkhawm Pu H. Lalropuia, President LDVCA kaihhruaiah Pu Misaela chuan thu sawiin Central atanga hmasawnna leh retheite tanpuina tura Scheme hrang hrang lokal thinte chu dik leh fel taka khua leh tuite tana kalpui thin turin a chah a, kan ram rorelna lungphum pawimawh tak chu khaw tinte inrelbawlna hi a nih avangin VC te hi an pawimawh takzet a ni a ti.

Pu J. Rohlupuia, General Secretary chuan report tawi pe in, Lawngtlai District ah VC 93 a awm a, VC Member 476 awm in, heng zingah hian hmeichhia 93 an awm bawk a ni.