1513/2025-2026

Lawngtlai, 19th September 2025: Vawiin khan Lawngtlai District Water & Sanitation Mission (DWSM) chuan Pu David Lalrinawma Addl. Deputy Commissioner kaihhruaiin a Office Chamber-ah thutkhawm an nei.

Pu David Lalrinawma chuan DWSM Member kalkhawmte hnena lawmthu sawina a nei a. Swachh Bharat Mission (Gramin) leh Jal Jeevan Mission (JJM) kaltlanga PHED - te hmalakna fakawm a tih thu a tarlang a. Neitu thinlung put a pawimawh tak zet tiin, a bik takin vantlang mipuite tana siam- Community Sanitary Complex, Compost pit, Soak pit leh Plastic Collection Centre- te enkawl leh vawnfai kawngah mipuiten thar thawh a hun tawh tak zet a ti. Lawngtlai District mipuite tana tui thianghlim in tur pek leh Faina lama hmasawn tura hnathawh chhunzawm zel chu a tul thu sawiin, Pu Daivd Lalrinawma chuan mipuite sawrkar tha taka thawhpui thin turin a sawm nghal bawk.

Er. H. Lalnunthanga, Sr. EE, PHED leh Member Secretary, DWSM nibawk chuan report tawi pekna a nei a. Jal Jeevan Mission hnuaiah za a za Functional Household Tap Connections pek tawh niin, Hmunnuam Water Supply Schemes leh Combined Dumzautlang, Laitlang leh T. Dumzau Water Supply Schemes chu kalpui mek a ni, a ti a . Swachh Bharat Mission Gramin hnuaiah Community Sanitary Complex - 56, Community Compost Pit & Soak pit - 187, leh Plastic Collection Centre ( Segregation Shed) - 157 sak tawh a ni, a ti. JJM Dashboard - a data dahluh chu District Administration - te kut a nih thu tarlangin, felfai taka data dahluh thin a pawimawh thu a tarlang bawk a ni.

Vawiin thutkhawmah hian Project Director (DRDO) Sr. EE (PHED), Sr. CMO aiawh leh DIPRO - te an tel thei a. Pu David Lalrinawma chuan lawmthu sawina neiin hun a khar.