No.2248/2020-2020  

Lawngtlai, Nikir thla ni 20, 2020: Nimin leh vawiin khan COVID-19 hri leng mek dona kawnga Lawngtlai District Level Task Force on COVID-19 (DLTF) tha tihchak nan leh quarantine centre-a awm mekte ei in mamawh phuhruk nan pawl, khua leh mimal hnen atang te'n Lawngtlai DLTF-ah tanpuina thilpek chi hrang hrang a luh belh leh.

Vawiin khan Lungzarhtum VLTF chuan Lungzarhtum khuaa lo neitute thlai thar theh khawm eng emaw zat chu Lawngtlaiah phur thlengin, quarantine facility-a awm mekte ei in mamawh phuhruk nan DLTF kutah an hlan a. An thlai thar pekte hi - antam, dhania, mullah, zikhlum, zikhlum chawr, anhling, phuihnam, changkha hnah, iskut hnah, maian, tumbu leh anthur te a ni.

Hei bakah hian pawl leh mimal atangin Lawngtlai DLTF chuan heti ang hian pawisa faia tanpuina a dawng:

1. Lawngtlai District Football Association - Rs 3,000/-

2. K. Lalmuanchungnunga, Lawngtlai Chandmary - Rs 5,000/-

3. C. Roliana, Lungtian-II - Rs 5,000/-

4. C. Lalthangpuia, Lungtian-II - Rs 3,000/-

Thilpek petu zawng zawng chungah Lawngtlai DLTF chuan lawm thu a sawi a ni.

Attachment

  • Loading attachment...