Vawiin khan Lawngtlai BDO BNRGSK Hall ah Lawngtlai East Constituency huamchhunga Booth Level Officer ten kumin inthlan lo awm tura an hnathawh tur chungchang an zir ho.

Vawiin a Booth Level Officer, Lawngtlai East Constituency huam chhunga kalkhawm te hian kumin inthlanna lo awm tura an mawh phurhna chi hrang hrang data mumal tak neih theih pawimawhna te, kum 18 tling khua leh tui dik tak ni te Electoral Roll a thun ngei an nih theih dan tur te, kum tling lo thun a that loh dan leh khua leh tui dik tak ni lo, Roll a inthun tum hote lo thliar fel dan te, Polling Station thlak tawh rihlo tura voters te ngen dan tur te an zir hova. Lawngtlai District chu inthlanna awm tawhah vote tlak tam tawk lohna a nih avangin Booth Level Officer te chu anmahni bial theuhva mipuiten kokim taka vote an thlak theihna tura zirtirtu tur an nih dan te  leh nimina District Level SVEEP Meeting in a rel tawh Special Registration Camp bawh zui dan turte an zir ho bawk a ni.

Vawiina Booth Level Officer, Lawngtlai East Constituency chhunga awmte tana training ah hian Pu. R L Sangluaia, MCS, Additional DC, Lawngtlai District leh Pu Vanlalchhuanawma, MCS, SDC Lawngtlai ten zirtirna an pe a, Lawngtlai East bial chhunga BLO 34 zingah mi 23 te an kal khawm a ni.