Lawngtlai DEF hnuaia thawk police ASI atanga Inspector chinte tana buatsaih February ni 27 atanga March ni 1 thleng awh tur training programme chu vawiin khan SP Conference Hall-ah hawn a ni.

Hawnna inkhawm hi Lawngtlai SDPO Pu Saidingliana Sailo MPS chuan a kaihruai a. Lawngtlai SP Pu Lalsanglura MPS chuan training hi hawngin, police-te tan chuan training neih deuh reng mai hi a pawimawh em em a ni, a ti. Police officer-te chu mahni inpe zo taka hna thawk tura fuihin, mi sualte hrem an nih ngei theih nan hnu chhui hna (investigation) pawh uluk taka thawk thin turin a chah a. Lawngtlai District-a police indaih loh thu sawiin, a awm chhunte chuan 'taihmak leh zual' kum puana neih theuh turin a chah bawk.