No.3780/2020-2021

Lawngtlai, Thlazing ni 4, 2020: Mipuite him nan leh lirthei veivak a lo ziaawm zawk theih nan vawiin khan Lawngtlai SP charge la mektu, Addl SP Pu C. Lalruatkima chuan Mizoram sawrkar thuchhuah leh MV Act 1988 (Act No. 59 of 1988) section 115-na tlawh chhanin a hnuaia mi ang hian thupek a chhuah.

Lawngtlai Council Veng huam chhungah motor lian (HMV) reng reng dar 9:00 AM - 10:30 AM leh 3:30 PM - 5:00 PM inkarah tlan phal a ni lo. Tin, Lawngtlai town area hmun laili-ah dar 8:00 AM - 7:00 PM inkarah lirthei veivak tibuai leh mipui himna tiderthawng thei tura bungrua loading leh unloading phal a ni lo va. Buhfai phur turte erawh chu challan kengin an tlang thei ang.

He thupek hian a hmaa hemi chungchanga notification lo chhuah tawhte a luahlan nghal a. Thupek zawm lote chu MV Act section 179-na hmanga hrem an ni ang.