2109/2026-2027

Lawngtlai, 8th September 2026: Tukin zing dar 7: 00 AM khan Lawngtlai District Road Safety Committee bultumin September thla chhung awh tur 'No Tolerance Month' hawnna chu Areopagy, Lawngtlai Bazarah neih a ni a. Pu Dheeraj Dwarka Gaadhi, IPS, Lawngtlai Superintendent of Police (SP) chuan hawnna neiin, Lawngtlai Bawrhsap Pu Donny Lalruatsanga chuan a hmanpui.

Pu Dheeraj Dwarka Gaadhi, chuan tangkai tak leh a tumte a hlawhtlin ngei theihna tura lawm taka 'No Tolerance Month' a hawn thu a sawi a. No tolerance Month - in a tum ber chu lirthei khalhtute leh mipuiten  Traffic Rules leh Motor Vehicles Act - in a tumte zawm tura hmalakna lian tak a ni, a ti a. Lawngtlai khawpui in hmasawnna a pan zelah lirthei a pung nasa hle a, hetih lai mek hian Traffic Rules leh Parking Rules - te zawm that bakah mipite tana him zawka lirthei khalh a pawimawh em em a ni, a ti. Dan chunga leng tumah an awm lo a, dan  zawm that chu mi tin mawhphurhna ni tiin Pu Dheeraj Dwarka Gaadhi chuan hlawhtling taka 'No Tolerance Month' hman a nih theih nan a thawhpuiah lirthei khalh thinte leh Lawngtlai mipuite a sawm nghal bawk.

Pu Lalrinzuala, Inspector, Enforcement (DTO) chuan Lirthei khalhtute leh mipuiten an zawm tur dan hrang hrangte leh a pawimawhzia inzirtirna hun a hmang a ni.

No Tolerance Month - hawnna inkhawm hi Pu Lalhruaizela, SDC chuan kaihruaiin, Lawngtlai Dostrict Road Safety Committee leh sawmbikte an tel thei a, Pu Elvis Lalthangzuala, President, MJA, Lawngtlai chuan lawmthu sawiin hun a khar.