Lawngtlai, Thlazing ni 1, 2021: Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 5 manin, pawisa ₹ 500/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 1,826 man tawh niin, pawisa chawitir zat hi ₹ 2,13,660/- a tling tawh a ni.

Vawiina dan bawhchhia mante hi vantlang hmuna hmai tuamna (mask) vuah tha lo leh inkhuahkhirhna dan zawm lo an ni a. The Mizoram (Containment and Prevention of the Spread of COVID-19) Act, 2020 hmanga hrem an ni.

Attachment

  • Loading attachment...