No.6474/2020-2021

Lawngtlai, Sahmulphah thla ni 9, 2020: October ni 28, 2020-a Lawngtlai khawpui chhunga veng pahnih - Vengpui leh Vengpui-II Village Council area-te 'Containment Area'-a puan chu he'ng veng huam chhungah te COVID-19 active case search zawh tawh a nih a, hemi kaihhnawiha test ngai zawng zawng test tawh ni a, result pawh a chhuah vek tawh bawk avangin, Lawngtlai Chief Medical Officer thurawn angin Lawngtlai Bawrhsap Dr Andrew H. Vanlaldika chuan vawiin (09.11.2020) khan he'ng veng pahnih te 'Containment Area'-a puan chu a hlip.

Veng pum containment area-a puan chu hlih ni mah se, contact tracing-a langte leh home quarantine laite erawh chu medical team leh VLTF-te'n phalna an pek hma loh chuan inkhung chhunzawm zel tur a ni thung.