Vawiin chawhnu khan Lawngtlaia Chapchar Kut 2012 hman dan tur relin DC’s Conference Hall-ah Organizing Committee an thukhawm. Meeting hi Pu Vanlalngena, Addl. DC, Lawngtlaiin a kaihruai a, Member Secretary Pu Thangchem Zathang leh member dangte an kal tha hle. Chapchar Kut 2012 Organizing Committee chuan Lai hnam kut Hlukhla nen hman rual theiha ngaiin Lawngtlaiah Chapchar Kut hman ve tha an ti a, cultural item chi hrang hrang tihlanna hunah hman tum a ni.

Chapchar Kut hi March 2, 2012 ah CYLA Playground-a hman tur niin Kut Thlengtu atan DC, Lawngtlai ni se, Kut Pa atan CEM, LADC ni se tiin rel a ni. Chapchar Kut Miss thlan tur niin a buaipuitu atan MJA leh LWA te ruat an ni a, Kut hmannaa tel naupang hnam incheia inchei te chu lawmman siamsak tum a ni bawk. He hunah hian CYLA chu mawhphurhna lian ber la tura ngaih a ni a, Kut hlawhtling taka hman a nih theihnan hma lak nghal a ni a, Committee hi ni March 17, 2012 (Zirtawp ni) hian an thukhawm leh ang.