No.3836/2020-2021

Lawngtlai, Thlazing ni 6, 2020: Lawngtlai District-a COVID-19 positive case, Zoram Medical College (ZMC)-a RT-PCR hmanga swab sample endik nawn vawi hnihnaa negative ta hmeichhe 1 chu vawiin khan Lawngtlai Covid Care Centre (CCC) atangin dam taka chhuahtir a ni.

Vawiina positive dama chhuahtir tak hi hmeichhia, kum 54 mi, July ni 15, 2020-a ZMC-a a swab sample endik atanga COVID-19 positive a ni tih hmuh chhuah, July ni 28-a ZMC-a sample test nawna la positive, August ni 4-a endik nawn lehnaa negative ta a ni a. Lawngtlai CCC-a duty Dr Elsadai B. Lalbersiama'n dama chhuah a nihna lehkha (discharge certificate) hlanin, ni sarih (7) chhung mahni in lama fimkhur taka inkhung hran chhunzawm rih turin CCC atang hian chhuahtir a ni.

Heti hian Lawngtlai District-a positive case hmuh chhuah tawh zawng zawng 23 atangin dama chhuak 21 an awm ta a. Tun dinhmunah positive case CCC-a enkawl lai hmeichhe 2 an la awm mek a ni.