822/2022-2023

Nikir thla ni 8, 2022: Vawiin khan Lawngtlai Additional Deputy Commissioner Pu James Miahlung hovin a office chamber-ah Lawngtlai District chhunga tuialhthei dinhmun leh a zawrh leh hman dan chungchang thlir ho niin, tuialhthei chungchanga District-in harsatna hrang hrang a tawh ṭhinte chin fel a nih theih nana hma lak dan tur sawi ho a ni.

He hunah hian District Administration official-te, ADCSO, MIZOFED leh Mavula Filling Station Manager-te leh Legal Metrology Inspector te an tel a. Lawngtlai District chhunga tuialhthei zuar (petrol pump nei)-te chu damlohna leh rikrum thila a hun taka mipui mamawh phuhru thei turin eng hunah pawh biak pawh leh dawr theih tura inralringin, chumi atan chuan ruahmanna siam se, tih a ni a. District chhungah dan lova tuialhthei zuar te, pawlh dal leh man to taka zuar te an awma hriat a nih avangin District Magistrate aṭangin khapna order chhuah thar leh ni se tih niin, a ti lui an awm leh awm loh uluk taka vil zui a, a ṭul anga hma lak zel tum a ni a. Tuialhthei phurh luh kawnga harsatna a awm changin pump-a tuialhthei chhek khawl saah mipui chanpual tam zawk a awm theih nan Department-in khuahkhirh (permit) atana khek khal an neih chin titlem turin Food, Civil Supplies & Consumer Affairs Directorate-ah ngenna thlen ni se, tih a ni bawk.

Attachment

  • Loading attachment...