Lawngtlai District AH & Vety Dept chuan vawiin khan NLUP 3rd leh 4th phase-a vawk vulh thlangtu chhungkaw 623 hnenah tuizem (sintex) an sem.
An tuizem sem hi litre 300 dawng niin, vawk chaw chhumna leh vawk in vela tui hman chawp tur dah nana tih a ni a. Heti hian NLUP 3rd leh 4th phase-a vawk vulh thlangtute hnena Rs nuaikhat hu an sem zawhna chiah a ni. Tuizem an sem hma hian vawk in sakna tur pawisa bakah, vawkte leh vawk chaw an lo sem tawh a ni.
