3777/2024-2025

Lawngtlai the 14th January, 2025 : Vawiin chawhma khan Economic & Statistics Department buatsaihin Lawngtlai District huamchhunga 'Registrar of Births & Deaths'  tan  Annual Training of Registrar of Births & Deaths chu  DC Conference Hall, Lawngtlaiah neih a ni a. Pu Cheemala Siva Gopal Reddy IAS, Deputy Commissioner, Lawngtlai chuan khuallian niin a hmanpui.

Pu Cheemala Siva Gopal Reddy, IAS, chuan 'Births & Deaths' chhinchhiah leh Certificate -pekchhuah chungchangah fimkhur a tul zia leh ram leh hnam humhalh nan a pawimawh zia sawiin, Lawngtlai district chu ram dang nen a ramri thui tak intawm a nih angin nau piang leh boral ziah luhna felfai tak neih reng a tul hle a ti, a. Hemi kawngah hian District Research Office hnuai a Registrar of Birth & Deaths- te an pawimawh hle tih a tarlang. Tun dinhmunah thenawm ram buaina avangin Lawngtlai district chhungah raltlan  an awm mek a, hemi avang hian 'Births & Deaths Certificate' pek chhuahah pawh  fimkhur zual a ngai a ni, a ti. Bawrhsap chuan Sawrkarin hmalakna leh hmachhawp hrang hrang a duan  kawngah DRO- data lakkhawm chu rintlak ber a  a ngaih thin a nih angin rintlak ni tura  tan la thar theuh turin a chah a. Training tha leh hlawk taka hmang turin kalkhawmte  duhsakna a hlan nghal bawk.

Pu Jimmy Lalkungliana Sailo, DRO, Lawngtlai chuan report pe in Mizoram pumpuiah  Births & Deaths Registration Unit 884 awmin, heng zinga unit 166 te hi Damdawi In behchhan niin, a dang unit 768 te hi veng/khua pual (local) te an nih thu a sawi a. Registration Unit- tinah hian Registrar of Births & Deaths, sawrkar hnathawk mi pakhat zel an awm tih a tarlang bawk. Lawngtlai District huam chhung bikah  Damdawi In behchhan Registrar of Births & Deaths 10 leh veng/khua behchhan Registrar of Births & Deaths 128 an awm mek tiin, Births & Deaths Registration Damdawi In behchhana a neih mek 116 te hian nikum 11th November, 2024 atang khan Online Registration kalpuiin, Piang leh thite hnenah 'Digitized Certificate' an pe chhuak thei tawh bawk a. Veng/khua tana Rigistrar of Births & Deaths -768 neih mekte hi 1st February, 2025 atanga Online Registration tih theih a, Digitizes Certificate pechhuak thei tura  Training neih a nih thu  ngaihthlak a ni bawk.

Vawiin 'Annual Training of Registrar of Births & Deaths'  hi Pu R. Lalchawimawia, UDC, DRO Office, Lawngtlai in a kaihruaiin, Pu J Ramdinmawia, Directorate of Economic & Statistics,  chuan  Resource Person niin traning a pe a, Chawhnu lamah Pu Jimmy Lalkungliana Sailo, DRO Lawngtlai, Pu H Lalkhawngaiha, IS leh Pi C.Lalngaihsaki, DPA hoin sawihona leh zawhna leh chhanna hun hman a ni.