3622/2022-2023

Ramtuk thla ni 17, 2023: Vawiin khan Lawngtlaia Chapchar Kut 2023 hman dan tur relin Organising Committee chu an Chairman, Lawngtlai Bawrhsap Pu David Lalthantluanga hovin Lawngtlai DC Conference Hall-ah an ?hu khawm.

Chairman Pu David Lalthantluanga chuan member kal khawmte lawmna thu sawiin, Chapchar Kut chu pi pute'n ropui taka an hman ?hin leh, hnam ziarang tar lanna hun a nih angin Lawngtlaiah pawh hlung taka hman a nih theih nan ngaihtuahna seng turin member kal khawmte chu a sawm a. Chapchar Kut chu hlim leh lawm taka hmang tura rilrua inbuatsaih turin Lawngtlai mipuite a sawm nghal bawk a ni.

Chapchar Kut Organising Committee-ah hian State leh LADC hnuaia office hotute leh tlawmngai pawl hrang hrang leh District MJA ai awhte an tel a. Chapchar Kut 2023 hmanna tura thil ?ul hrang hrangte sawi ho niin, hlung taka hman a nih theih nan ruahmanna siam a ni a. Organising Committee ai awha Chapchar Kut hmanna tura thil ?ul hrang hrang lo bawhzui turin Additional Deputy Commissioner Pu Abraham Beirazi Khithie kaihhruaina hnuaiah Working Committee din nghal a ni bawk.

Chapchar Kut hi March ni 3, 2023 (Zirtawpni) hian Lawngtlai Bawrhsap Pisa tualah hman tur a ni a. Lawngtlai Bawrhsap chu Kut Thlengtu tur niin, Kut Pa atan Mizoram Assembly Deputy Speaker Pu H. Biakzaua beisei a ni a. Kut hawnna atan hlado chham chungin tlang tlir a ni ang a, zaipawlin Kut hawnna hla an sa ang. Hemi ni hian hnam lam chi hrang hrang en tur leh hnam zai ngaihnawm tak tak ngaihthlak tur a awm ang a. Ram pum huap zaithiam lar tak leh tualchhung zaithiamte pawh sawm tum an ni a. Chapchar Kut Miss, Little Miss leh Little Mister te pawh thlan leh tum a ni a. Costume parade leh chhawnghnawh te pawh tih tel tum a ni bawk.