705/2026-2027

Lawngtlai 26th May, 2026: Vawiin khan DC Office Chamber-ah 'CM Special Package phase II' hnuaia Progress Partners- te tan 'Orientation Training' neih a ni a, Lawngtlai Bawrhsap Pu Donny Lalruatsanga chuan hmanpuiin, Pi Margaret J. Vanlalremmawii, SDO (S) chuan hun a kaihruai.

Pu Donny Lalruatsanga chuan kalkhawmte hnenah lawmna thu sawiin Banakaih Kaih hnuaia 'CM Special Package' chu mi tumruh leh mahni kutkea dinchhuah tum te tan chuan Scheme tha tak a ni, a ti a. A thlawna pawisa dawngtu ni mai lo a, mahni dinchhuah nan a hmang turin a fuih a. A bik takin Progress Partners- te chu sawrkarin Bana a Kaih reng ngai lo a, mahnia intungnung leh dingchhuak zui thei tura thahnem ngai taka thawk turin a chah a. Progress Partners- te chu an pawisa dawn chhan ang taka hmanga thawk tur leh 'CM Special Package' hmang tha ber ni tura chahin, Line Department - te pawh thahnem ngai taka endik zui fo thin turin a chah nghal bawk.

Pi Margaret J. Vanlalremmawii SDO (S) chuan Progress Partners- te pawimawhna sawiin, hlawhtlinna chang tura theihtawp chhuah turin a fuih a. Sum leh pai an hmuhna chuan hriaa, a nihna ang taka hmang tur leh theihtawp chhuaha an dinhmun siam that nan hmang turin a chah a ni.

He hunah hian Dr. Charlie Chawngthu, District AH& Very Officer -chuan 'Bana Kaih Scheme' nihphung tlangpuite, Entrepreneurship leh Business Management - chungchangah te training a pe a, zawhna leh chhanna hun hman nghal a ni.

Vawiina Orientation Training- ah hian AH & Vety Department hnuaia  Progress Partners- mi 6 - an tel thei a. Pu Donny Lalruatsanga chuan 'Certificate' leh 'Placard'  hlanna nei nghalin,  Pu Lalhruaizela, SDC chuan lawmthu sawiin hun a khar.