Nimin khan Lawngtlai District Child Protection Unit (DCPU) leh Mizoram Police Lawngtlai te tang kawp chuan Lawngtlaia DCPU office-ah Child Welfare Committee (CWC), Special Juvenile Police Unit (SJPU) leh Child Care Institution (CCI) te tan The Juvenile Justice (Care and Protection of Children) Act, 2015 chungchang zir hona leh intuai hriamna (training & capacity building) an buatsaih.

He hun hi Lawngtlai DCPU-a Protection Officer (Institutional Care) Pi PC Malsawmtluangi chuan a kaihruai a. Addl SP Pu C. Lalruatkima'n kal khawmte lawmna thu sawiin, naupang himna leh an hmakhua atana thawktute chuan thawh hona tha an neih a pawimawh hle tih a sawi a. Training chu hma sawn nan leh hlawk taka hmang turin kal khawmte chu a chah nghal.

He training-ah hian Advocate Pi Sheila Laldinthari Hnialum chuan a bika enkawl leh venhim ngai naupangte chungchang bakah, SJPU te mawhphurhna leh hna thawh dan tur a sawi a. Civil Judge cum Judicial Magistrate First Class Pi S. Ngotlia chuan hursualna leh a kaihhnawih thila naupang venhimna dan a zirtir thung. District Child Protection Officer (DCPO) Pi Mary Lalremruati'n lawm thu sawiin, training hi khar a ni.