Vawiin khan Lawngtlai District Development Co-ordination and Monitoring Committee (DDCMC) chu an Chairman, Lok Sabha MP Pu CL Ruala leh Co-Chairman, Rajya Sabha MP Pu Ronald Sapa Tlau te hovin Lawngtlai DC Conference Hall-ah an thu khawm.

He DDCMC thut khawmah hian Lawngtlai District chhunga hma sawnna hna hrang hrang thawh dan te thlir ho niin, hna thawh tawha hlawhtlinna leh harsatna hrang hrang awmte sawi ho a nih bakah, a chin fel dan tur leh thawh zel dan tur ruahmanna leh rawtna te siam a ni a. Chairman-te chuan hna thawh tawha hlawhtlinna chhinchhiah tlak tak tak awm chu lawmawm an tih thu an sawi.

He thut khawmah hian Tuichawng bialtu MLA, Fisheries Minister Dr BD Chakma te, Lawngtlai DC Dr A. Muthamma te, CADC Chief Executive Member Pu Kali Kumar Tongchangya te, LADC-a LAD changtu Executive Member Pu Chhuanawma te bakah, LADC-a MDC te, state leh LADC hnuaia hma sawnna hna thawktu department hrang hrang ai awh te, VC leh NGO ai awhte an tel a ni.