3385/2022-2023

Pawlkut thla ni 27, 2023: Vawiin khan Lawngtlai District Level Socio-Economic Development Policy (SEDP) Committee chu an Chairman, Lawngtlai Bawrhsap Pu Amol Srivastava hovin Lawngtlai DC Conference Hall-ah an ṭhu khawm.

Chairman Pu Amol Srivastava chuan member kal khawmte lawmna thu sawiin, SEDP chu District chhunga kut hna thawktute'n an chhawr theih dan ber tura kalpui a nih theih nan line department-te chu theih tawp chhuah tur leh, beneficiary-te kaihhruai leh vil zui kawngah tha thlah lova thawk zel turin a chah a ni.

He hunah hian District Level Committee ṭhut khawm hmasaka thu dah bawhzui dan thlir ho niin, line department-te hnen aṭangin hma lakna report ngaihthlak a ni a. Hma lak zui zel dan tura rawtna te sawi ho a ni.

Lawngtlai District chhungah department hrang hrang pariat hnuaiah SEDP beneficiary 4,500 an awm a. Agriculture Department hnuaiah beneficiary 1,640; AH&Vety Department hnuaiah beneficiary 1,909; Commerce & Industries Department hnuaiah beneficiary 329; Fisheries Department hnuaiah beneficiary 79; Horticulture Department hnuaiah beneficiary 180; Land Resources, Soil & Water Conservation Department hnuaiah beneficiary 282; Sericulture Department hnuaiah beneficiary 23 leh Urban Development & Poverty Alleviation Department hnuaiah beneficiary 58 te an awm a. He'ng department hrang hrang hnuaia trade hrang hranga beneficiary-te hnenah hian SEDP ṭanpuina 1st instalment chu pek fel vek tawh niin, beneficiary-te'n hma lakna an kalpui chho mek a ni.