1094/2022-2023

Nikir thla ni 30, 2022: Tun thla, June ni 9-a Lawngtlai District Magistrate-in Lawngtlai khawpui chhunga dan lova tuialhthei zawrh khapna thupek a chhuah bawhzuiin, nimin khan Enforcement Team chuan Lawngtlai khawpui chhungah dan lova petrol leh diesel zuar an awm leh awm loh an enfiah.

Enforcement Team-ah hian Sub-Deputy Commissioner Pu H. Vanlalbiakzauva chu Leader niin, Lawngtlai Police Station-a Officer-in-Charge, Legal Metrology Inspector leh Food, Civil Supplies & Consumer Affairs (FCS&CA) Inspector te chu member an ni a. Vawiin khan Lawngtlai AOC Veng leh Lawngtlai Chandmary-ah te enfiahna hi kalpui niin, dan lova tuialhthei zuar man erawh an nei lo thung.

Attachment

  • Loading attachment...