1811/2022-2023  

Mimkut thla ni 3, 2022: Nimin khan Mizoram Khawpui Fai Intihsiakna 2022 leh Swachh Survekshan 2023 atana inbuatsaihna peng khat atan Mizoram Cleanliness Competition 2022 Sub-Committee, Lawngtlai hma laknain Lawngtlai khawpui chhung veng hrang hrangah kohhran ṭhalaite nen faina hnatlang runpui buatsaih a ni.

Hnatlang runpui hi Lawngtlaia kohhran hrang hrang ṭhalaite'n hma chin insemin an thawk a, veng hrang hrang village council leh children sanitation club naupangte'n an puibawm bawk a.  LADC Sanitation Department-in bawlhhlawh paihna lirthei tlan kualtirin, hnatlang thawhna hmun aṭangin bawlhhlawh khawn khawmin an paih fai a. Hnatlang pawimawh leh bawlhhlawh paih nan hian VC, kohhran leh mimal lirthei thawh an awm bawk.

Vawiin hnatlang thawh chhuah dan chu heti ang hi a ni:

1. Thingkah - mi 50
2. AOC Veng - mi 129
3. Lawngtlai-III - mi 25
4. Lawngtlai Vengpui - mi 60
5. New Vengpui - mi 65
6. College Veng - mi 120
7. Chandmary - mi 105
8. Bethel Veng - mi 20
9. Chawnhu - mi 55
10. Council Veng - mi 78
Total - mi 707

Nimina thawk remchang lote chuan hun remchang dangah thawk turin ruahmanna an siam a. Khawpui Fai Intihsiakna inbuatsaihna atan hian a khat tawkin Lawngtlai khawpui chhunga VC, tlawmngai pawl, kohhran ṭhalai, children sanitation club, zirna in, sawrkar department leh mimal te'n faina hnatlang an thawk chho deuh reng tawh a. Thawh chhunzawm zel turin ruahmanna pawh siam a ni.

Attachment

  • Loading attachment...