3689/2024-2025

Dated Lawngtlai, 6th January 2025 : Vawiin chawhma dar 11 khan  tahrik ni 1, January, 2025 tehfung a hmang a duan 'Final Electoral Roll of Special Summary Revision 2025' tlângzarhna DC Conference Hall- ah neih a ni a, Pu Zoramsiama Hmar, Addl.DC chuan Final Electoral  Roll-hi a tlangzarh.

Pu Zoramsiama Hmar, chuan Final Electoral Roll tlangzarhnaa lo kalte hnena lawmthu sawina a nei hmasa a. Final Electoral Roll of Special Summary Revision 2025- tlangzarh theih tura buaipuitu zawng zawngte inpekna fakawm a tih thu sawiin, hmalam hunah pawh thahnem ngai taka thawk zel turin a chah a. Democracy ramah mipuiten an aiawh thlang turin Electoral Roll dik, tha leh fel fai tak a awm a pawimawh hle tih tarlangin, E/Roll rintlâk nei tura theihtawp chhuah zel turin Election Official- te a chah a. Pu Zoramsiama Hmar chuan Election Commission of India (ECI) pawimawhna hriaa, an thuchhuak leh duh dan ang zel a hmala thin turin Election Official leh kalkhawmte a sawm nghal a ni.

Pu Collin Hlychho, Election Officer (EO) chuan Special Summary Revision behchhana buatsaih  Final Electoral Roll 2025 tlangzarh tura hmalak dan tlangpui  sawi zauna a nei a. E/Roll 2025  atanga hming paih leh dah luh, hearing kalpui dan tlangpui sawifiahna a nei bawk.

Vawiin Final Electoral Roll of Special Summary Revision 2025' tlângzarh tak atanga a lan danin, Lawngtlai District - a Assembly Constituency pathum, 36- Tuichawng (ST), 37- Lawngtlai West (ST) leh 38- Lawngtlai East (ST) ah Vote nei Mipa -47,159 Hmeichhia -47,355 awmin, vote nei zawng zawng hi mi -94, 514 an awm mek a. 36- Tuichawng (ST) AC-ah vote nei- 37,799 awmin, 37- Lawngtlai West (ST) AC-ah vote nei - 30,376 awmin, 38- Lawngtlai East (ST) AC-ah vote nei- 26,339 an awm bawk. Service Voter hi 36- Tuichawng (ST) AC- ah mi - 155 awmin, 37- Lawngtlai West (ST) AC- ah mi - 42 awmin, 38- Lawngtlai East (ST) AC- ah mi- 29 awm bawkin, service voter- 226 an awm mek a ni.

Vawiin 'Final  Electoral Roll of Special Summary Revision 2025' tlângzarh inkhawmah hian Electoral Registration Officer (ERO) Assistant Electoral Registration Officer (AERO), Booth Level Officer (BLO) leh Political Party aiawh an tel thei a. Pu Zoramsiama Hmar chuan Political Party aiawh lo kal te hnenah Final  Electoral Roll Copy khat theuh a hlan nghal a ni.