Vawiin (14.10.2016) khan kut sil fai inzirtir ni (Global Handwashing Day) chu SSA BRC Hall, Lawngtlaiah hman a ni a. Lai Autonomous District Council-a Primary Education changtu Executive Member Pu C.Lalneihkhuma'n a hmanpui.

Pu C.Lalneihkhuma chuan kut sil fai pawimawhzia a sawi a. Hlawhtlinna uma hna tam zawk kan thawhna hmanrua, kan kut kan sil fai loh chuan kan hrisel thei dawn lo va, mi hrisel lo tan hlawhtlinna tak tak neih a har a ni tiin, zirlai leh mipui kal khawmte chu an hriselna fimkhur taka vawng a, an kut ngun taka sil fai thin turin a chah.

He hun hi SSA DPC Pu C.Lawmsangzuala'n a kaihruai a. Mi thiamte'n zirlai kal khawmte zirtirna an pek bakah, a takin kut sil fai dan dik zirtir an ni.