Vawiin hi khawvel puma hmeichhiate ni (International Women's Day) a ni a. Lawngtlaiah chuan UD&PA Deptt, Lawngtlai leh District Election Officer (DEO) bul tumin Central YLA Hall-ah hman a ni a. Lam leh zai intihsiakna buatsaih a ni.

He huna Khuallian, Lawngtlai Bawrhsap leh DEO Pi Shashanka Ala, IAS chuan pung khawmte chu hmeichhiate ni chibai bukin, hmeichhe nihna chu phurrita laka tawmimpui tur ni lovin, chhuang taka lawm zawk tur a ni, a ti a. Mipate theih ang chu an thei ve tih hria a, huaisen taka ke pen turin hmeichhe kal khawmte a sawm a. Ram roreltu thlan kawngah pawh hmeichhe vote leh mipa vote hlut dan a inang reng tih sawiin, duhthlanna kan hman thiam dan zelin ram hruaitu ?ha kan neiin kan nei lo mai dawn a, kan vote-in danglamna a thlen thei tih hriain vote thlak kan tum ?heuh tur a ni, a ti.

He hunah hian Lai Women Association (LWA) General Headquarters, Lawngtlai leh Mizo Hmeichhe Insuihkhawm Pawl (MHIP) Sub-Headquarters, Lawngtlai a?angin thu sawi tawi ngaihthlak a ni a. Systematic voters education and electoral participation (SVEEP) hma lakna peng pakhat atan District Election Office a?angin electronic voting machine (EVM) leh voter verifiable paper audit trail (VVPAT) himzia leh rin tlakzia ngaihthlak niin, a hman dan a taka entir leh tih chhin a ni a. A khat tawkin faina kawnga inzirtirna thu tawi sawi rik ?hin a ni bawk.

Hemi hnu hian Lawngtlai khawpui chhunga LWA leh MHIP branch hrang hrangte chu malzai (solo), rualzai (group singing) leh hnam lam (cultural dance) hmangin an intihsiak a. Malzai leh rualzai hi intihsiakna huang khat niin, branch 10 an tel thei a, hnam lamah branch 6 an tel thung a ni.

Zaiah Mission Veng Branch MHIP ai awha zai Mercy H. Laldinfeli chu pakhatna niin, Bazar Branch LWA ai awh Lalbiakchhungi chu pahnihna a ni a. Lamah Chandmary Branch LWA te pakhatna niin, Electric Veng Branch MHIP chu pahnihna an ni thung.