Lawngtlaia Administrative Training Institute (ATI) buatsaiha kar hnih awh induction training neih tur chu vawiin khan Lawngtlai DC Conference Hall-ah hawn a ni.

Induction training programme hawnna inkhawm hi ATI Associate Professor Pi Golda Dell Zohmangaihi'n a kaihruai a. Training buatsaih chhan te sawi fiahin, ni tin awmze nei zawk leh rinawm leh hmasawn zawka sawrkar hna thawh theih nan training a pawimawh thu a sawi a.Sub-Deputy Commissioner Pi Christina Lalmuanzuali chuan training hawnna hun hmangin, training tura kalte chu hun tha bawhpelh lo va, hlawhtling taka training programme hman a nih theih nan theih tawp chhuah turin a fuih a.Sawrkar hna thawhnaah mahni hna thiam mai bakah, thawhpuite nena thawh hona tha neih a pawimawh thu sawiin, he training-in zirtir a tum zawng zawngte tha taka zir chhuak turin a chah bawk.

Induction training programme Lawngtlai District chhunga group B leh C staff-te tana buatsaih niin, May ni 26 thleng neih tura ruahman a ni.