Lawngtlai District-a MLA Inthlanpui 2018-a EVM & VVPAT hman turte chu vawiin khan NIC Video Conference Hall-ah ECI randomisation software hmangin a hmanna tur polling station thliar fel a ni.

Lawngtlai District-a EVM & VVPAT hman turte hi 2nd randomisation-ah a hmanna tur constituency thliar fel tawh niin, Govt Lawngtlai College strong room-ah constituency tina hman turte hi a hrang theuhvin dah luh fel tawh a ni a. Vawiin hian polling station 59 awmna 36-Tuichawng (ST) Assembly Constituency-a hman tur EVM (CU & BU) leh VVPAT 59 ve ve, polling station 68 awmna 37-Lawngtlai West (ST) Assembly Constituency-a hman tur EVM (CU & BU) leh VVPAT 68 ve ve leh polling station 34 awmna 38-Lawngtlai East (ST) Assembly Constituency-a hman tur EVM (CU & BU) leh VVPAT 34 ve ve te chu a hmanna tur polling station thliar fel a ni.

He hunah hian General Observer Pu P. Bala Kiran IAS, Expenditure Observer Pu Pema Tshering Bhutia IRS, District Election Officer Pu N. Chakhai MCS, RO-te, Election Officer leh political party hrang hrang ai awhte an tel a. EVM & VVPAT hmanna tur list hi political party ai awhte hnenah sem chhuah nghal a ni.